تغيير المجتمع نحو الأفضل 👈 ابدأ بنفسك 👉
بسم الله الرَّحْمَنِ الرَّحِيمِ
نبدأ موضوعنا بالصلاه على النبى ( عليه افضل الصلاه و السلام )
انهاردة اول موضوع لينا فى مدونة ابدأ بنفسك هنتكلم عن فعل الخير و مساعدة الفقراء و المحتاجين
لو اتكلمنا عن الفقراء و المحتاجين فهما كتيير فى مصر علشان كدة انا عامل الموضوع دة و عاوزين نقضى على الفقر و الجهل و نبقى دولة متقدمة .
الناس دى مش اللى بيلفوا فى الشوارع يشحتوا لا دول معظمهم بيبقوا معاهم فلوس توزنك و مع ذلك بيمشوا فى الشوارع يشحتوا لو هنتكلم عن الفقراء و المحتاجين الناس دى بتلاقيها قاعدة فى بيوتها مبتمدش اديها لحد بيبقى املهم الوحيد هو ربناا او بيبقوا قاعدين فى الجوامع مش عايشيين غير لربناا وبس مش عاوزين حاجة من الدنياا ، او اللى بتسموهم المجازيب او المجانين بيبقوا عايشين فى الشارع الناس دى احسن منى و منك بكتيير دول الناس اللى فعلا محتاجين مساعدة منك فياريت الناس دى نهتم بيهاا جامد و نحاول نساعدهم على قد مانقدر احنا دلوئتى فى رمضان فلو مثلا عملنا كل اسبوع 5 او 10 وجبات اكل نفطر بيهم الناس المحتاجة دى هتلاقيهم قاعدين عند السيدة زينب و الحسين و المساجد الكبيرة او هتلاقيهم عايشين فى الشارع حاطين أملهم فى ربناا و عمال النظافة برضوا الناس دى مرتبها مبيكفيهاش و بالذات علشان الأسعار غليت فأرجوا مساعدتهم علشان للأسف بلدنا مبتهتمش بالناس دى مع انهم دول المفروض يكونوا من اهم الناس فى البلد فأرجوا زيادة مرتباتهم .
و ممكن نساعد المرضى لو اى مريض مش قادر يجيب العلاج ياريت نساعدو و لو حضرتك دكتور او صيدلى تقدر تعالجوا او تصرفلوا العلاج ببلاش لو لقيتوا فعلا محتاج قوى و مش قادر على المصاريف او على الاقل خفضلوا فى السعر .
ممكن نساعد اى حد نلاقية محتاج مساعدتنا مش لازم يكون شكلو فقير او عايش فلشارع زاى مثلا :
1) لو لقيت بنت عاوزة تعدى الطريق و مترددة و خايفة ممكن انت تعدى قبلها منغير ماتتكلم معاها و تغض بصرك عنها و تبطأ وانت بتعدى الطريق علشان العربيات تهدى سرعتها و هى تعدى جمبك .
2) و لو لقيت واحد او واحدة شايلة شيلة تقيلة و ماشية فى طريقق ممكن تشيل معاها الشنط لغاية اقرب مكان بالنسبالك او لو واحدة طالعة سلم او هتعدى كوبرى ممكن تشيل معاها و تخفف عنها .
3) لو لقيت واحد او واحدة كبار فى السن و عاوزين يعدوا الطريق ممكن تساعدهم مش هياخد من وقتك كبير بس عند ربناا هتاخد ثواب كبيير و هيتردلك لما تكبر فى السن هتلاقى اللى يقف جمبك و يعمل معاك كدة .
4) حاول تغض بصرك و ابعد عن المحرمات و المعاكسات علشان دلوئتى المعاكسات باقت موضة ، هتعاكس و بعدين ! استفدت حاجة غير انك خدت سيئات و ذنوب على واحدة ممكن يكون ملهاش لازمة ؟ لو انت استفدت حاجة قولى انت استفدت ايه ؟ او فدت المجتمع فى ايه ؟ و اعتبر اللى بتعاكسها دى زى اختك هو اه ممكن يكون لبسها مش كويس و مشيتها مش كويسة بس انت مالك ! العيب على اللى نزلها من البيت كدة علشان هو لو كان راجل مكانش نزلها كدة 👉 و انت ممكن تنصحها او لو لقيت حد فى الشارع بيعاكس ممكن تنصحو و تقولو انت كدة استفدت ايه و تحاول تقربو من ربناا .
5) لو لقيت حد بيشتم فى الشارع حاول تقولو انو يخلى عندو احترام شوية و يحترم البنات اللى ماشيين فى الشارع و الناس اللى سامعة علشان احنا دلوئتى " بقيناا باصيين على الغلط منغير دهشة ولا استغراب بقت الأخلاق موضة قديمة و كلامنا بقى كلة شتيمة بنقول أوسخ كلام فى الشارع و فى الأغانى و فى السيمااا " .
6) لو لقيت اتنين متخانقين مع بعض او زعلانين مع بعض حاول تصالحهم .
ولله لو عملناا كل الكلام اللى فات دة و بزيادة مصر هترجع زى زمان و هنبقى دولة متقدمة جداا و هنبقى من أحسن الدول .
#ابدأ_بنفسك
قريبااا هننزل ابليكيشن #أبدأ_بنفسك ( Start With Yourself ) للأندرويد علشان تتابعونا أول بأول و بأستخدام اقل للانترنت .
تم النشر بواسطة : Mostafa Nasr
يمكنك متابعتى على الفيس بوك 👇
Facebook : https://www.facebook.com/moustafa.nasr.96
تعليقات
إرسال تعليق